У рашэньні Таганскага суду Масквы гаворыцца, што амэрыканская кампанія Google LLC, парушаючы расейскае заканадаўства, распаўсюджвала інфармацыю, якая раскрывае «страты асабовага складу Ўзброеных сілаў Расеі ў пэрыяд правядзеньня „спэцыяльнай ваеннай апэрацыі“ (так у Расеі называюць вайну супраць Украіны — заўв. Свабоды), імёны загінулых, анкетныя зьвесткі, а таксама іхныя пэрсанальныя даныя».
Адной з прычынаў штрафу стала публікацыя на YouTube інструкцыі па здачы ў палон для расейскіх вайскоўцаў.
«Аднак у поўным тэксьце рашэньня суду зьмяшчаюцца і іншыя прычыны прыцягненьня Google да адміністрацыйнай адказнасьці», — дадае агенцтва ТАСС, не раскрываючы падрабязнасьцяў.
Гэта ўжо ня першы штраф, які Таганскі суд Масквы прызначае амэрыканскай IT-кампаніі. У мінулым прычынай складаньня пратаколаў у дачыненьні Google неаднаразова станавіліся ролікі на YouTube з «прапагандай нетрадыцыйных сэксуальных адносінаў» і «дыскрэдытацыяй расейскага войска».
Форум