Увечары 20 красавіка брыгада хуткай дапамогі канстатавала сьмерць дзяўчынкі. Ёй было толькі паўтара месяца. На бацькоў завялі крымінальную справу.
Дачка нарадзілася ў сям'і ў лютым. Аднак сужэнцы працягвалі злоўжываць алькаголем, ладзіць адпаведныя вечарыны.
Зранку 20 красавіка ў госьці прыйшоў сваяк з малалетняй дачкой. Бацькі дзяўчынкі выпівалі зь ім на свежым паветры. Немаўля расплакалася, і бацькі пайшлі ў дом, каб супакоіць.
«Калі нецьвярозыя бацькі займаліся дзіцем, адбылася трагедыя: дзяўчынка ўпала і атрымала сьмяротныя траўмы. Лекараў яны выклікалі не адразу. А потым і зусім прыдумалі вэрсію, што сьмерць дзяўчынкі наступіла бязь іхнага ўдзелу», — мяркуюць у Сьледчым камітэце.
Экспэртыза выявіла, што сьмерць дзіцяці наступіла ў выніку прычыненьня чэрапна-мазгавой траўмы.
За прычыненьне сьмерці па неасьцярожнасьці бацькам дзіцяці пагражае да трох гадоў пазбаўленьня волі. Расьсьледаваньне трагедыі працягваецца.
Форум