Аўтаматызаваную аптэку стварыла гомельскае прадпрыемства Eday Robotics, якое спэцыялізуецца на комплекснай аўтаматызацыі розных вытворчасьцяў.
Пра першую такога кшталту аптэку паведаміла прэс-служба Міністэрства аховы здароўя.
Аўтаматызаваная аптэка становіць сабой закрыты куб, унутры якога стэляжы зь лекавымі сродкамі. Пакупніку дастаткова ўвесьці назву прэпарату на сэнсарным экране, прыкласьці пашпарт і заплаціць.
Адзначаюць, што сканаваньне пашпарта неабходнае для пацьвярджэньня, што пакупніку споўнілася 14 гадоў. Робат выбірае патрэбны прэпарат і перадае яго ў акенца выдачы.
У асартымэнце робата-аптэкі каля 300 безрэцэптурных мэдыкамэнтаў айчыннай вытворчасьці. Для захоўваньня іх падтрымліваецца аптымальная тэмпэратура.
У ведамстве чакаюць, што аптэчныя робаты змогуць выдаваць прэпараты паводле электронных рэцэптаў.
Форум