Пра гэта паведамляе інфармацыйнае агенцтва «Позірк» грунтуючыся на сваім аналізе статыстыкі МУС гэтай краіны.
За гэты пэрыяд выдадзена 56 адмоваў, у тым ліку 13 — непаўналетнім.
Усяго за апошнія 6ь гадоў беларускімі грамадзянамі пададзена 81 прашэньне аб атрыманьні прытулку ў Грузіі, у тым ліку 16 — непаўналетнімі або ад іх імя.
З краіны высланыя тры беларусы (па адным мужчыну ў 2020, 2021 і 2023 гадах).
ГЛЯДЗІЦЕ ТАКСАМА: У Грузіі за паўтара года сем беларускіх грамадзян скончылі жыцьцё самагубствам«Адмова ў праве на прытулак усім беларусам — гэта дыскрымінацыя паводле прыкметы нацыянальнага паходжаньня, адна з формаў расавай дыскрымінацыі», — заявіў «Позірку», камэнтуючы статыстыку, праваабаронца Раман Кісьляк, які абскарджвае ў Тбіліскім гарадзкім судзе адмову ў прытулку.
«Нехта ў МУС Грузіі прыняў рашэньне пазбавіць беларусаў гэтага права. Такое палітычнае рашэньне супярэчыць міжнародна-прававым абавязаньням Грузіі ў сфэры правоў чалавека», — падкрэсьліў праваабаронца.