Паводле зьвестак Baza, на борце знаходзяцца 130 тысяч тон паліва. Крыніцы тэлеграм-каналу сьцьвярджаюць, што ў машынным аддзяленьні судна адбыліся некалькі выбухаў, але «Фонтанка» інфармацыю пакуль не пацьвярджае.
Губэрнатар Ленінградзкай вобласьці заявіў, што адбыўся «тэхнагенны інцыдэнт падчас запуску рухавіка», пашкоджана машыннае аддзяленьне танкера.
Танкер ходзіць пад сьцягам Антыгуа і Барбуда. У яго экіпажы 24 чалавекі: чатыры расейцы, восем грамадзян Грузіі і 12 інданэзійцаў.
Як паведамляе тэлеграм-канал «Mash на Мойке», судна села на мель, а экіпаж цалкам эвакуаваны.
Тым часам на Сахаліне, на Далёкім Усходзе РФ, сеў на мель кітайскі танкер. У Невельскім раёне гэтага расейскага рэгіёну абвясьцілі надзвычайную сытуацыі. Паводле прадстаўніка порту ў Невельску Аркадзя Макарава, на борце танкера каля 700 тонаў мазуту і 100 тонаў маторнага паліва.
ГЛЯДЗІЦЕ ТАКСАМА: У Маскве адбыўся выбух у элітным жылым комплексе, загінуў кіраўнік фэдэрацыі боксу так званай «ДНР»