Пра гэта заявіў начальнік галоўнага ўпраўленьня ў праблемах ліквідацыі наступстваў катастрофы на Чарнобыльскай АЭС Гомельскага аблвыканкаму Дзьмітрый Руткоўскі, паведамляе інфармацыйнае агенцтва «Позірк».
Чыноўнік выказаўся на гэты конт у сувязі з «інцыдэнтам, які адбыўся сёньня ўначы на Чарнобыльскай атамнай электрастанцыі».
Аб нападзе «расейскага ўдарнага робата з фугаснай баявой часткай» на ЧАЭС паведаміў прэзыдэнт Украіны Ўладзімір Зяленскі. Паводле яго слоў, напад адбыўся ў ноч на 14 лютага.
Удар прыпаў на сховішча, якое «беражэ сьвет ад радыяцыі разбуранага чацьвёртага энэргаблёку ЧАЭС». «Гэтае сховішча Украіна будавала разам зь іншымі краінамі Эўропы і сьвету, разам з Амэрыкай — з усімі, хто хоча сапраўднай бясьпекі для людзей», — адзначыў Зяленскі.
ГЛЯДЗІЦЕ ТАКСАМА: Расея нанесла ўдар па Чарнобыльскай АЭС, пашкоджаньне атрымаў новы саркафаг над аварыйным блёкамПрэзыдэнт Украіны заявіў, што радыяцыйны фон не падвышаўся, нягледзячы на "істотныя пашкоджаньні" сховішча.
Як паведамілі на Чарнобыльскай АЭС, у выніку ўдару пашкоджана цэласнасьць вонкавай абалонкі канфайнмэнту і абсталяваньня ў гаражы тэхнічнага абслугоўваньня кранаў. Цяпер працягваюць тушыць пажар і ацэньваюць наступствы ўдару. На ЧАЭС запэўнілі, што радыяцыйны фон на пляцоўцы пакуль не зьмяніўся.