У Дзяржаўным агенцтве Ўкраіны ў пытаньнях кіраваньня зонай адчужэньня паведамілі аб працягу ліквідацыі трох ачагоў тленьня пасьля пацэльваньня па саркафагу аварыйнага блёку Чарнобыльскай АЭС расейскіх бесьпілётнікаў.
Як адзначаецца ў афіцыйным паведамленьні, раніцай 17 лютага аднавілі работы для ліквідацыі ўзгараньня ў трох месцах.
Паводле агенцтва, у тушэньні задзейнічалі дзьве групы скалалазаў, а трэцяя група замацавалася, каб часткова раскрыць канструкцыі ўкрыцьця і загасіць ачагі тленьні.
Сытуацыю кантралююць пры дапамозе бесьпілётніка зь цеплавізарам.
У працах задзейнічалі 91 выратавальніка 18 адзінак тэхнікі.
«Пагаршэньня радыяцыйнай абстаноўкі на прамысловай пляцоўцы ўкрыцьця і ў цэлым на тэрыторыі ЧАЭС не зафіксавалі. Выхады радыяактыўных прадуктаў за вызначаныя межы ня выявілі», — падкрэсьлілі ў Дзяржаўным агенцтве.
ГЛЯДЗІЦЕ ТАКСАМА: МАГАТЭ пракамэнтавала ўдар па Чарнобыльскай АЭС. Пераконвае, што ўзровень радыяцыі не павялічыўсяУ ноч на 14 лютага расейскія войскі нанесьлі ўдар баявым бесьпілётнікам па канфайнмэнце, пабудаваным у 2019 годзе над аварыйным блёкам Чарнобыльскай АЭС.
У выніку ўдару пашкоджана цэласнасьць вонкавай абалонкі канфайнмэнту і абсталяваньня ў гаражы тэхнічнага абслугоўваньня кранаў.
Гэты факт зафіксавала місія Міжнароднага агенцтва атамнай энэргетыкі (МАГАТЭ), якая пасьля расейскага ваеннага ўварваньня на сталай аснове знаходзіцца на тэрыторыі ЧАЭС.
ГЛЯДЗІЦЕ ТАКСАМА: У Гомельскай вобласьці расказалі пра радыяцыйную абстаноўку пасьля атакі дрона на ЧАЭС