У Беларусі за тры месяцы 2025 году ў пажарах загінулі больш за 200 чалавек і больш за 130 пацярпелі ад агню.
Як адзначаецца ў Telegram-канале Генэральнай пракуратуры Беларусі, сярод асноўных прычын, якія прыводзілі да пажараў, — неасьцярожнае абыходжаньне з агнём, курэньне ў ложках і няспраўнае пячное ацяпленьне.
«Пытаньне папярэджаньня гібелі людзей актуальнае і з прыходам вясны, калі людзі прыяжджаюць на дачы, карыстаюцца няспраўным пячным абсталяваньнем і паляць сухую траву», — паведамілі ў Генпракуратуры Беларусі.
Згодна з статыстыкай Міністэрства надзвычайных сытуацый Беларусі, за апошнія 24 гадзіны ў Беларусі ў пажарах загінулі тры чалавекі і яшчэ столькі ж атрымалі апёкі.
ГЛЯДЗІЦЕ ТАКСАМА: За дзень у Беларусі патушылі 18 лясных пажараў, гарыць тарфянік. Пажараў у экасыстэмах сёлета ў 13 разоў больш