Пра гэта паведамілі праваабаронцы «Вясны» з Магілёва ў тэлеграм-канале MayDay.
Паводле зьвестак праваабаронцаў, плацяжы «Беларусбанка» масава вяртаюцца з папраўчых установаў адпраўнікам прыкладна праз тыдзень пасьля трансакцыі. Падобная сытуацыя назіраецца з другой паловы сакавіка.
Паўторныя пераводы таксама вяртаюцца, хаця зьвесткі адпраўнікаў як сваякоў асуджаных унесеныя ў іх асабістыя справы.
Як удалося высьветліць MAYDAY TEAM, у некаторых папраўчых калёніях ад асуджаных пачалі патрабаваць адмысловыя заявы з указаньнем асобы, ад якой можа быць атрыманы грашовы перавод. У такіх выпадках паўторны перавод даходзіў да адрасата.
Акрамя таго, у некаторых выпадках «Беларусбанк» пачаў адмаўляць сваякам палітвязьняў у пераводах, бо прозьвішчы асуджаных знаходзяцца ў сьпісах «тэрарыстаў». Раней такія базы зьвестак выкарыстоўвала толькі «Белпошта». Мяркуючы па ўсім, з сакавіка іх атрымалі і некаторыя банкі.
Цяпер у «сьпісе тэрарыстаў», які вядзе КДБ Беларусі, агулам 1276 чалавек, зь іх сама меней 588 — грамадзяне Беларусі. Абвешчаным «тэрарыстамі» зьняволеным забаронена атрымліваць грашовыя пераводы.
Год таму па ўсёй Беларусі практычна адначасова за харчовую і грашовую дапамогу сваякам палітвязьняў затрымалі амаль 300 чалавек. У выніку 39 зь іх асудзілі паводле крымінальных артыкулаў.
ГЛЯДЗІЦЕ ТАКСАМА: Праваабаронцы паведамілі, што палітвязьням не даходзяць грашовыя пераводы. Распыталі пра гэта сваякоў ГЛЯДЗІЦЕ ТАКСАМА: У «сьпіс тэрарыстаў», які вядзе КДБ Беларусі, дадалі былых сілавікоў, што выступалі супраць гвалту ГЛЯДЗІЦЕ ТАКСАМА: Пакаяньне за палку каўбасы. Расказваем, як рэжым Лукашэнкі за дапамогу сем’ям палітвязьняў асудзіў 39 чалавек