Канкляў Каталіцкай царквы зноў ня змог абраць папу рымскага, пра гэта сьведчыць чорны дым з трубы на даху Сіксьцінскай капэлі раніцай 8 траўня.
Прадугледжваецца, што ў чацьвер можа прайсьці да 4 раундаў галасаваньня.
Выбары 267-га папы пачаліся ў сераду 7 траўня, для абраньня кандыдату трэба набраць 89 галасоў кардыналаў са 133, якія ўдзельнічаюць у галасаваньні.
Пасьля кожнага падліку галасоў у каміне Сікстынскай капэлі запальваюць дровы — фарбавальнік зробіць дым белым, калі галасаваньне завершыцца посьпехам, да гэтага дым чорны.
Чорны дым над дахам Сіксьцінскай капэлі
Фармальна папам могуць выбраць любога нежанатага каталіка, але на практыцы з 1389 года на чале царквы абіраюць аднаго з кардыналаў.
Імёны кандыдатаў загадзя не вызначаны, хаця экспэрты і букмэкеры выказваюць свае гіпотэзы. Вынікі прамежкавых галасаваньняў не раскрываюцца.
ГЛЯДЗІЦЕ ТАКСАМА: У Ватыкане пачынаюць выбіраць новага папу, зьехалася рэкордная колькасьць кардыналаў