Беларуская дэмакратычная лідэрка была побач з прэзыдэнткай Малдовы Маяй Санду.
Сьвятлана Ціханоўская і Мая Санду каротка паразмаўлялі з прэзыдэнтам Украіны Ўладзімірам Зяленскім на шостым саміце Эўрапейскай палітычнай супольнасьці (EPC), які праходзіць у сталіцы Альбаніі.
На сход у Тыране прыехалі палітыкі 47 краінаў і кіраўнікі найбуйнейшых міжнародных арганізацый. У Альбанію прыбылі і кіраўнікі найбуйнейшых дзяржаваў Эўразьвязу, у тым ліку Фрыдрых Мэрц і Эмануэль Макрон.
Паміж Ціханоўскай і Зяленскім адбылася кароткая гутарка.
«Размова, зразумела, ішла пра тое, як спыніць вайну і як далей будаваць адносіны ў новых сусьветных рэаліях», — паведамляе прэс-служба Ціханоўскай.
Адначасна ў турэцкім Стамбуле адбываюцца расейска-ўкраінскія перамовы аб спыненьні вайны.
ГЛЯДЗІЦЕ ТАКСАМА: Ціханоўская бярэ ўдзел у сустрэчы лідэраў краін Эўропы ў Альбаніі. Уладаў Беларусі і Расеі не запрашалі