Краіны Эўразьвязу дамовіліся стварыць фонд пад назвай Security Action for Europe «Дзеяньні дзеля бясьпекі Эўропы» памерам 150 мільярдаў эўра. Ягоныя сродкі пойдуць на ўмацаваньне абароны, паведамілі Reuters і Financial Times з спасылкай на крыніцы.
Фонд будзе даваць пазыкі краінам на ўмацаваньне абароны і разьвіцьцё вайсковай прамысловасьці.
Ініцыятыву прапанавала Эўрапейская камісія ў сакавіку 2025 году. Фонд дазволіць павялічыць выдаткі на абарону на 800 мільярдаў эўра ў наступныя гады.
У адпаведнасьці з плянам 150 мільярдаў эўра з гэтай сумы пазычаць на закуп зброі, боепрыпасаў і вайсковых сыстэмаў.
Яшчэ 650 мільярдаў эўра старшыня Эўракамісіі Урзуля фон дэр Ляен прапанавала атрымаць ад Эўрапейскага інвэстыцыйнага банку, прыватных інвэстараў і большых выдаткаў на абарону краін Эўразьвязу.
ГЛЯДЗІЦЕ ТАКСАМА: Дзяржаўны сакратар Рубіё заявіў, што ЗША не выходзяць з NATO і не выводзяць сваіх войскаў з Эўропы