Ужо сёньня: дзень народзінаў Віктара Каліноўскага

Дзень у гісторыі

1597 — у Варшаве пакараны сьмерцю казачы атаман Севярын Налiвайка, які паліў беларускія гарады і ўчыняў масавыя забойствы жыхароў.

ГЛЯДЗІЦЕ ТАКСАМА:

30 лістапад 1595 Налівайка з казакамі захоплівае Магілёў

1863 — Зыгмунт Серакоўскі разьбіў расейцаў у бітве пад Генетынамі (вёска каля Рогава, цяпер у раёне Панявежа, Літва).

1919 — войскі генэрала Жалігоўскага авалодалі Вільняй. У выніку спыніла сваё існаваньне Літоўска-Беларуская савецкая рэспубліка, бальшавікі паўцякалі, а Вільня на 20 гадоў апынулася ў складзе Польшчы.

1921 — выйшаў першы нумар газэты «Чырвоная зьмена». Выходзіла самастойным выданьнем да 2002 году, цяпер — дадатак да газэты «Зьвязда».

1996 — расейскія фэдэральныя войскі забілі першага прэзыдэнта Чачэнскай рэспублікі Ічкерыя генэрала Джахара Дудаева. Паводле афіцыйных зьвестак, Дудаеў загінуў ад ракеты, наведзенай на сыгнал ягонага спадарожнікавага тэлефона.

ГЛЯДЗІЦЕ ТАКСАМА:

Ахмед Закаеў: Калі Чачня аддзеліцца, Кадырава тут жа скінуць

У гэты дзень нарадзіліся

1833 — Віктар Отан Каліноўскі, гісторык, археограф, бібліяфіл, удзельнік нацыянальна-вызвольнага руху, брат Кастуся Каліноўскага.

ГЛЯДЗІЦЕ ТАКСАМА:

Навошта ў Расеі робяць з Каліноўскага Бандэру. ВІДЭА

1835 — Ялегі Пранціш Вуль, паэт, удзельнік паўстаньня 1863-64.

1902 — Вацлаў Пянткоўскі, каталіцкі сьвятар, стваральнік падпольнай духоўнай сэмінарыі на Палесьсі, вязень ГУЛАГу 1950-х, аўтар мэмуараў.

1903 — Мікола Аляхновіч, беларускі літаратурны крытык, вязень ГУЛАГу.

1926 — Лізавета II, каралева Вялікай Брытаніі ў 1952 - 2022.

1937 — Эрнст Бабенка, навуковец, рэктар Полацкага дзяржаўнага ўнівэрсытэту.

1968 — Аляксей Андрэеў, стваральнік альманаху „Монолог“, папулярызатар беларускай культуры ў расейскамоўным сьвеце.

У памяці

1910 — памёр Сяргей Палуян, пісьменьнік, удзельнік нацыянальнага руху пачатку ХХ стагодзьдзя.

1910 — памёр Марк Твэн, амэрыканскі пісьменьнік.

1923 — памёр хворы на сухоты Ігнат Канчэўскі (Абдзіраловіч), беларускі паэт, філёзаф і публіцыст.

2013 — Міхал Шарамет, грамадзкі актывіст, удзельнік нацыянальна-дэмакратычнага руху пачатку XXI ст., стваральнік вайскова-патрыятычнай арганізацыі «Ваяр».

2019 — Юры Бліноў, музыка, мэцэнат, удзельнік нацыянальна-дэмакратычнага руху 1990-х — пачатку XXI ст. Памёр падчас экамаратону ў Гомелі (забег на 21 км) за некалькі мэтраў да фінішу. Першы беларускі музыка, які выступіў з сольным канцэртам у Карнэгі-Голе ў Нью-Ёрку, быў сузаснавальнікам футбольнага клюбу „Крумкачы“.

2022 — Анатоль Вярцінскі, паэт, рэдактар, палітык.