У прэс-службе Лукашэнкі заявілі, што вызваленьне адбылося на просьбу адміністрацыі амэрыканскага прэзыдэнта Трампа.
Юрась Зянковіч 30 красавіка быў вызвалены з турмы ў Беларусі. Ягоны здымак, зроблены ў амэрыканскай амбасадзе ў Вільні, зьявіўся ў сеціве на старонцы амэрыканскай журналісткі і адвакаткі Грэты ван Сутэрэн.
«На просьбу адміністрацыі прэзыдэнта ЗША грамадзянін Злучаных Штатаў Амэрыкі Зянковіч Юры Леанідавіч быў вызвалены», — заявіла 1 траўня прэс-сакратарка Аляксандра Лукашэнкі Натальля Эйсмант.
Пра вызваленьне прыгаворанага ў 2022 годзе да 11 гадоў пазбаўленьня волі па палітычна матываванай «справе змоўнікаў» беларуска-амэрыканскага адваката стала вядома ўвечары 30 красавіка. Пасьля першага прысуду Зянковічу яшчэ павялічвалі тэрмін, аднак у студзені зьнялі ў прапагандысцкім фільме.
ГЛЯДЗІЦЕ ТАКСАМА: Зь беларускай турмы вызвалілі палітвязьня Юрася Зянковіча