Уладальнік горадзенскай этнакрамы „Цудоўня“ Андрэй Несьцяровіч асуджаны на адзін год абмежаваньня волі з накіраваньнем у папраўчую ўстанову адкрытага тыпу, паведамляе рэгіянальны партал hrodna.life.
Несьцяровіча затрымалі 6 лютага 2025 году. Супраць яго распачалі крымінальную справу паводле арт. 342 КК (арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх) за падзеі, зьвязаныя з пратэстамі 2020 году.
Да суду мужчына знаходзіўся ў СІЗА. Яго прызналі палітвязьнем.
У 2023 годзе Несьцяровіча судзілі паводле арт. 19.11 КаАП (распаўсюд, выраб, захоўваньне, перавозка інфармацыйнай прадукцыі, што зьмяшчае заклікі да экстрэмісцкай дзейнасьці або прапагандуе такую дзейнасьць).
Горадзенская этнакрамa „Цудоўня“ заснаваная ў 2015 годзе. Пасьля выбараў 2020 году краму аштрафавалі і пазбавілі памяшканьня.
Форум