15 лістапада, на 99-ы дзень пратэстаў супраць сфальшаваных выбараў прэзыдэнта і гвалту, у Менску і іншых гарадах Беларусі праходзілі акцыі ў памяць забітага актывіста 31-гадовага Рамана Бандарэнкі.
Падчас нядзельных акцый пратэсту ў Беларусі затрымалі ня менш за 18 журналістаў, у тым ліку, афіцыйных расейскіх СМІ.
У менскім двары ў раёне вуліцы Чарвякова, які назвалі «Плошчай Пераменаў», пасьля разгону акуцыі памяці забітага актыівста Рамана Бандарэнкі і затрыманьня сотняў людзей, камунальнікі разабралі народны мэмарыял.
Прадстаўнік Беларускага экзархату РПЦ Сергій Лепін выказаўся ў сваім Фэйсбуку наконт паводзінаў сілавікоў на «Плошчы пераменаў», дзе менчукі стварылі мэмарыял у памяць аб забітым там Рамане Бандарэнку.
Гарадзенцы ўшанавалі памяць загінулага падчас пратэстаў Рамана Бандарэнкі. Дзясяткі чалавек затрымалі. Байцы пускалі газ. Мэмарыялы з кветак і сьвечак разабралі.
Гі Вэргофстат, былы прэм’ер-міністар Бэльгіі, шматгадовы лідэр фракцыі лібэралаў у Эўрапапарлямэнце і ў гэты момант яго дэпутат, заклікаў Эўразьвяз узмацніць ціск на Беларусь.
Дэпутат Нацыянальнай асамблеі Францыі Фрэдэрык Пэці выступіў з артыкулам «Ня будзем забываць Беларусь».
Паводле Міністэрства аховы здароўя, за дзень у Беларусі зарэгістравалі 1315 новых выпадкаў каранавірусу, днём раней было 1248. Рэкордны прырост хворых фіксуецца пяты дзень запар.
