Спадарожнікавы сэрвіс NASA FIRMS зафіксаваў маштабны пажар у пасёлку Углавое Бахчысарайскага раёну Крыму, разьмешчаным за 6 кілямэтраў ад пасёлку Кача, дзе знаходзіцца расейскі вайсковы аэрадром.
Пра пажары ў гэтым пасёлку таксама паведамляе маніторынгавая група тэлеграм-каналу «Крымский ветер».
Губэрнатар анэксаванага Расеяй Севастопалю Міхаіл Развазжаеў заявіў пра зьнішчэньне 50 дронаў і некалькіх морскіх бесьпілётнікаў. Паводле Развазжаева, усе дроны зьбітыя над морам, разбурэньняў няма.
Расейскае Міністэрства абароны заявіла, што над тэрыторыяй паўвострава ўначы зьбілі 89 украінскіх дронаў, а над Чорным морам — яшчэ 23. Зьвестак пра ахвяры і разбурэньні расейскія вайскоўцы не прыводзяць.
Украіна атаку на Крым не камэнтавала.
Ва ўмовах баявых дзеяньняў Свабода ня можа апэратыўна пацьвердзіць паведамленьні бакоў канфлікту.
Форум